Тақырып: ҚПЛ: «Қайрат» «Астананы» ірі есеппен жеңді
ҚПЛ: «Қайрат» «Астананы» ірі есеппен жеңді
5 сәуір 2026
Қазақстан Премьер-лигасында IV турында алматылық «Қайрат» елордалық «Астанадан» басым түсті. Биылғы біріншілікті екі команда да қарқынды бастаған еді. Алғашқы үш турда екі мәрте жеңіске жетіп, біреуінде тең түсті. Нәтижесінде 7 ұпаймен турнир кестесінде үздік үштіктен көрінді. Кездесу барысында алғашқы минуттан қос команда шабуылға көңіл бөлді. Осының нәтижесінде алматылық клуб жылдам гол соғып үлгерді. Олардың қатарынан 10-минутта Жоржиньо есеп ашса, 22-минутта Дастан Сәтпаев есепті үстемелей түсті. Ойынның 41-минутында Жоржиньо тағы бір мәрте мергендігімен көзге түссе, 45-минутта Александр Мартынович өз мүмкіндігін мүлт жіберген жоқ. Осылайша алматылық клуб қарсыласынан 4:0 есебімен басым түсті.
Аптаның үздік фотосы
Қазақстандағы ең қауіпті жолдар мен ЖКО
Жылдың үздік фотосы
